FAQ/ia

From the Wikimedia Foundation
< FAQ
Revision as of 16:56, 8 December 2010 by PeterSymonds (talk | contribs) (Create from m:Fundraising 2010/FAQ/ia.)

(diff) ← Older revision | Latest revision (diff) | Newer revision → (diff)
Jump to: navigation, search

FAQ - Questiones Questionate Frequentemente 2010


Ubi va mi moneta?

A personas e technologia. Ben que Wikipedia e su projectos soror es un del cinque plus visitate sitos web in le mundo, nos emplea solmente 222 personas; vide nostre vista general del staff. Le medietate labora in technologia, un gruppo parve da supporto a nostre publico e es voluntario pro activitates cultural, e le restante personas labora in collection de fundos e administration. In addition, tu appoio adjuta a pagar le infrastructura del technologia (servitores e largor de banda) que preserva Wikipedia in functionamento e crescimento.

Fundamentalmente, le Fundation Wikimedia existe pro appoiar e facer crescer le enorme rete de voluntarios qui scribe e edita Wikipedia e su projectos soror – plus que 100000 personas in tote le mundo.

In breve, que es Wikipedia?

Wikipedia es le plus grande e plus popular encyclopedia. Illo es online, libere de usar, e libere de publicitate. Wikipedia contine plus que 16 milliones de articulos create per voluntarios in 287 linguas, e es visitate per plus que 431 milliones de personas cata mense, que lo face le cinque plus popular sito in le mundo. Illo es un creation de collaboration que ha essite extendite e editate per milliones de personas durante le passate novem annos: omnes pote editar, in qualcunque momento. Wikipedia es le plus grande collection de cognoscimento compartite del historia human, e le personas que lo appoia es unite per lor amor de apprentissage, lor curiositate intellectual, e lor conscientia que nos cognosce multo plus insimul que lo que nos cognosce sol.

Ubi pote io trovar plus information financiari?

2008–2009 Annual Report

Le Reporto Annual del Fundation Wikimedia 2008–2009 coperi le previe annos fiscal (1 de julio 2008 a 30 de junio 2009) con un vista in avantia al sequente. Illo es nostre secunde reporto annual. Le Reporto Annual del Fundation Wikimedia es un summario del information financiari del organisation, activitates de programma, objectivos attingite.

Le punctos remarcabile include:

  • Lanceamento del Initiativa de Usabilitate de Wikimedia
  • Wikimedia se affilia con Creative Commons
  • Le conferentia de Wikimania in Alexandria, Egypto
  • Il comencia le processo de arrangiamento de strategia aperte de Wikimedia
  • Collection de fundos succedite e expansion del operationes principal

Discarga le Reporto Annual 2008-2009:

  • PDF version (2.0 MB)


Retorna al initioDona ora

Es le Fundation Wikimedia un organisation de caritate?

Si. Le Fundation Wikimedia es un organisation sin scopo lucrative exempte de impostos 501(c)(3) con su bureaus in San Francisco, California, USA. Tu pote revider nostre littera de exemption de impostos e nostre reportos financiari e archivos annual.

Retorna al initioDona ora

Proque deberea io donar al Fundation Wikimedia?

Le labor del Fundation Wikimedia es provider un accesso facile al information pro personas in tote le mundo - libere de cargo e libere de publicitate. Nos es un organisation sin scopo lucrative que depende de tu adjuta financiari pro facer lo. Tu donation appoia directemente un del plus popular projectos de referentia in le mundo que es editate in collaboration, e include Wikipedia, un del plus popular sitos web del mundo e le plus grande encyclopedia unquam compilate.

Retorna al initioDona ora

Qual es vostre planos? Ubi va isto?

Como le fundator del organisation, Jimmy Wales, diceva: "Imagina un mundo ubi cata singule esser human pote liberemente participar in le summa de tote le cognoscimento."

Cata mense, plus que 431 milliones de personas in tote le mundo usa Wikipedia. Illo es disponibile online, in tu apparato mobile, in DVD, in libros, e multe altere formas. Nos aspira a attinger ancora plus personas, e a meliorar continuemente le qualitate de information que nos provide. Pro facer lo, nos:

  • face multo plus facile le contribution de cognoscimento. Nos ha recentemente lanceate un initiativa de grande scala pro meliorar le experientia del usator pro adder texto e adder multimedia. Tu pote trovar plus information in le sito web del projecto.
  • crea, apprende, e traina ressources pro recrutar plus contribuentes: maestros de schola, professores, studentes, photographos, productores de films, scientistas, bibliothecarios, archivistas, curatores, hobbyistas, e multe alteres. Nos labora con un crescente rete de 41 organisationes essential de capitulos Wikimedia in tote le mundo pro attinger a ille personas, e incoragiar les a adjutar nos a facer Wikipedia melior. Plus information pote esser trovate in le sito web del projecto.
  • disveloppa nove technologias e processos pro assecurantia del qualitate que non conflicta con le fundamental apertura de Wikimedia. Pro le personas technicamente interessate, illo include technologias pro modificationes marcate e pro deteger cambios potentialmente problematic.
  • consulta con nostre communitate global de editores como etiam con expertos, voluntarios e pensatores de tote le mundo a disveloppar strategias de innovation pro attinger plus personas, con ressources de alte grado de qualitate, e pro accrescer le numero de voluntarios. Plus information de nostre projecto de strategia de cinque annos pote esser trovate in le sito web del projecto.
  • construe un ric tabuliero de metricas pro appoiar le labor del movimento Wikimedia. Vide nostre carta de reporto mensual e nostre portal de statisticas.

Finalmente, il es nostre mission proteger le labor que ha essite facite al momento: reducer le risco que un disastro o un fallimento technic pote eliminar portiones de nostre labor, e assecurar que illo es regularmente copiate in multe placias. Nos non es un compania juvene que disparera in duo annos – nos es in isto pro un termino longe.

Retorna al initioDona ora

Como balancia vos mantener Wikipedia aperte con facer lo plus confidente?

Nos crede que le accrescite participation face Wikipedia melior. Al mesmo tempore, nos debe mantener le standards dur que ha facite Wikipedia respectate per scientistas, academicos, jornalistas, e fundationes.

Retorna al initioDona ora

Que es la Fundation Wikimedia?

Le Fundation Wikimedia (Wikimedia Foundation, Inc.) es le organisation parente de varie projectos de contento libere, plus notabilemente Wikipedia, le encyclopedia ganiator de premios. Jimmy Wales fundava Wikipedia in januario 2001 e creava le Fundation Wikimedia in junio 2003. Ab le initio, nos ha existite pro un ration: compartir liberemente e apertemente le cognoscimento. Nos non vende information e nos non accepta publicitate. Tu donation face nostre labor possibile. Nos approxima le contento educational de iste projectos al personas in tante formas como es possibile. In particular, nos adjuta communitates in disavantage con connectivitate limitate pro acceder e contribuer contento educational libere.

Nos possede plus que 400 servitores usate pro currer nostre projectos, insimul con tote le nomines de dominio e marcas registrate associate. Nos appoia le disveloppamento de software strategic in le software MediaWiki e instrumentos relatate pro assecurar alte qualitate. Nos disveloppa ressources de apprentissage, appoia workshops e nos effortia a pensar intelligentemente de altere manieras de approximar nove contribuentes e facer crescer Wikimedia como un movimento international de cognoscimento libere.

In tote isto, nos es appoiate per capitulos local organisate in multe paises differente.

Retorna al initioDona ora

Qual projectos appoia vos?

Le Fundation Wikimedia appoia Wikipedia, un encyclopedia online e un del plus visitate sitos web in tote le mundo. Ab le fundation de Wikipedia in januario 2001, e le incorporation del Fundation Wikimedia in junio 2003, nostre crescimento ha titubate. Le Wikipedia in lingua anglese, nostre prime projecto, ha crescite a plus que 4,500,000 articulos hodie. Tote le linguas de Wikipedia combinate contine plus que 33,000,000 articulos.

Extra Wikipedia, le Fundation Wikimedia etiam appoia:

  • Wikimedia Commons, un repositorio multimedia que contine plus que 22,000,000 imagines, files de video e sono liberemente usabile
  • Wikibooks, un projecto pro crear libros de texto libere
  • Wiktionary, un dictionario multilingue e thesauro
  • Wikisource, un bibliotheca de documentos fonte
  • Wikinews, un sito web de novas del citatano
  • Wikiversity, un platteforma de apprentissage interactive
  • Wikiquote, un collection de citationes
  • Wikispecies, un directorio del vita in le Terra

Nos conduce e appoia le disveloppamento de MediaWiki, le software wiki de codice aperte detra tote nostre sitos web public. Nos adjuta a organisar eventos de communitate e de extension pro incoragiar personas a contribuer con nostre projectos, e nos provide copias offline pro discargar e archivos de base de datos de contento de Wikipedia.

Plus information pote esser trovate in le pagina de nostre projectos

Retorna al initioDona ora

Como es le Fundation Wikimedia currite?

Le Fundation Wikimedia ha un staff de 222, conducite per le Director Executive, Sue Gardner. Le staff appoia le labor de centos de milles de voluntarios qui contribue con contento al projectos Wikimedia. Le Fundation Wikimedia es etiam appoiate per un enorme numero de voluntarios que participa trans committees, como internos, o in base ad hoc.

Le Directorio de Curatores articula le mission e vision del Fundation Wikimedia, revide e adjuta a disveloppar planes a longe termino, provide supervision, e supporta le effortios de collection de fundos del Fundation Wikimedia. Illo es le autoritate superior del organisation del Fundation Wikimedia como il es definite in le statuto. Vide reuniones pro le minutas publicate del Directorio e resolutiones pro le resolutiones publicate del Directorio. Le Directorio es partialmente eligite del communitate de contribuentes del projectos Wikimedia.

Nos ha un bureau, locate in San Francisco, California (USA), ubi le majoritate del empleatos labora. Tote le membros del directorio e staff remanente labora remotemente.

Nos nos effortia pro operar in forma altemente transparente, e haber publicate politicas clave e information financiari.

Retorna al initioDona ora

Como es le Fundation Wikimedia financiate?

Wikimedia es financiate primarimente trans donationes de centos de milles de individuos, sed etiam trans multe concessiones e donationes de servitores e hosting (vide benefactores).

Le Fundation Wikimedia recipe donationes de plus que 50 paises in tote le mundo. Le donation medie es assatis parve, sed lor grande numeros ha assecurate nostre successo. Le personas face contributiones durante le anno, e un vice al anno le Fundation Wikimedia face un requesta formal de donationes.

Nos non considera publicitate como un fonte de ingressos.

Le Fundation Wikimedia ha stato 501(c)(3) de exemption de impostos in le Statos Unite. Le donationes facite de altere nationes pote etiam esser deductibile de impostos. Vide deductibilitate de donationes pro detalios. Clicca hic pro detalios in como facer un donation via PayPal, MoneyBookers o per currero postal. Pro qualcunque altere typos de donation, per favor contacta nos in anglese trans donate@wikimedia.org.

Retorna al initioDona ora

Quanto moneta expecta vos colliger?

Le plan 2010-11 presuppone un ingresso de 20,4 million USD, un accrescimento del 28% super le ingresso projectate de 15,9 million USD pro 2009-10.

Plus detalios de nostre financias pote esser trovate in nostre reportos financiari. Hic il es nostre Plan 2010-11 (PDF), e hic il es le pagina de Questiones e Responsas relatate al plan.

Retorna al initioDona ora

Qui altere vos appoia in iste objectivo?

Le major parte de nostre fundos veni de individuos – personas como tu. Nos etiam recipe concessiones del communitate e donationes private, como etiam contributiones in specie de corporationes. Illos pote esser vidite in nostre pagina de Benefactores.

Retorna al initioDona ora

Ubi pote io apprender plus de vostre recente activitates?

Del anno fiscal 2008–2009, per favor Discarga le Reporto Annual 2008-2009: PDF version (2.0 MB)

Retorna al initioDona ora

Como dona io?

Pro donar, per favor visita nostre pagina de collection de fundos. Tu pote donar con qualcunque carta de credito del plus importante (include VISA, Mastercard, Discover o American Express), PayPal, Moneybookers, transferentia bancari, o inviar un cheque al Fundation. Nostre optiones de donation permitte le majoritate (sed non tote) le numerarios.

Retorna al initioDona ora

Ubi invia io le cheques?

Invia cheques a:

Wikimedia Foundation, Inc.
P.O. Box 98204
Washington, DC 20090-8204
USA
Note: donations by check are processed directly at our centralized lockbox location which is in Washington, DC.

Nostre preferentia es pro cheques in dollares de USA, de contos bancari de USA. Cheques in numerarios altere que dollares de USA, o de bancos foras USA, pote esser multo costose de processar pro nos, le qual reduce le valor de tu donation. Si tu non ha un conto bancari de USA, tu pote maximisar le valor de tu donation con un donation via PayPal o transferentia bancari.

Retorna al initioDona ora

Ubi io invia formularios, litteras o altere materiales al Fundation Wikimedia?

Per favor invia tote le correspondentia, que include sollicitation de Payroll Deduction e le formulario de Matching Gifts, a nostre adresse de cassa secur:

Wikimedia Foundation, Inc.
P.O. Box 98204
Washington, DC 20090-8204
USA
Note: donations by check are processed directly at our centralized lockbox location which is in Washington, DC.

Retorna al initioDona ora

Pote io facer un donation de valores al Fundation Wikimedia?

Le Fundation Wikimedia accepta donationes de valores. Tu pote facer un donation con un transferentia de valores de tu agentia al nostre al provider a tu agente nostre nomine, numero de conto de investimento e numero de clearing DTCC.

Retorna al initioDona ora

Es mi donationes deducibile de impostos?

Per favor refere al lista de paises pro le detalios del possibilitates de deduction de impostos.

Retorna al initioDona ora

Si io face un donation, como obtene io mi recepta de impostos?

Si tu dona via PayPal o carta de credito, tu recipera un recepta de impostos per e-mail, si tu adresse de e-mail esseva includite con tu donation. Donationes con cheque de plus que 50 USD recipera un recepta per posta, si tu nos dava un adresse de retorno. Tu pote etiam requestar un recepta de impostos pro tu donation si nos scribe in anglese a giving@wikimedia.org (per favor include tu information de contacto, le methodo que tu usava pro donar, e le amonta de tu donation).

Retorna al initioDona ora

Pote io vos dar un donation con objectivo o restringite pro esser usate pro alique multo specific?

Le caritates basate in le Statos Unite, como le Fundation Wikimedia, es requirite honorar (acceptar) restrictiones requestate per donatores. Illo significa que si tu specifica que tu donation necessita esser restringite pro un uso specific, nos honorara tu requesta o retornara tu donation. Sed ante que tu decide facer lo, per favor considera que donationes sin restrictiones es multo plus utile pro nos. Cata restriction nos impone un costo general administrative e un costo de planamento, e accresce le complexitate interne.

Retorna al initioDona ora

Proque il existe un donation minime?

Le donation minime es 1 USD. Nos recipe parve donationes de personas qui non ha multo moneta, e nos es vermente, vermente grate con ille donatores. Vermente, si le donation es significative pro te, illo es significative pro nos. Sed, il non es pauc commun pro personas usar mechanismos de donation como le nostre pro testar cartas de credito robate pro vider si illos functiona. Ille personas typicamente usa amontas multo parve in dollares pro lor probas: nos trova que un amonta de donation minime de 1 USD sembla discoragiar les.

Retorna al initioDona ora

Que pote io facer pro adjutar vos a propagar vostre parolas?

Propaga le parolas in omne modo tu pote! Dice los a tu amicos e familia. Dice les que Wikipedia significa pro te. Quere les si illes usa Wikipedia, e in ille caso, que Wikipedia significa pro illes. Usa iste texto como file de signatura al basso de tu messages de e-mail:

Nos ha create le collection plus grande de cognoscimento compartite in le historia. Adjuta a proteger Wikipedia. Dona ora: http://wikimediafoundation.org/wiki/Support_Wikipedia/en

Retorna al initioDona ora

Qual es vostre politica de confidentialitate del donator?

Nos es seriose con le protection del derectos de confidentialitate con nostre donatores. Per favor vide nostre Politica de Confidentialitate del Donator pro nostre detalios complete. In breve, nos non comparti, vende, o commercia tu adresse de e-mail con alicuno.

Retorna al initioDona ora

Como pote io continger le Fundation?

Vide le pagina Contige nos pro detalios.

Retorna al initioDona ora