Archive:Terms of Use 2012/Introduction/ia: Difference between revisions

From Wikimedia Foundation Governance Wiki
Content deleted Content added
Thehelpfulone (talk | contribs)
m remove meta link
MZMcBride (talk | contribs)
autocategorize
Line 17: Line 17:


Sin le labor dur e le expertise de nostre communitate, iste projecto haberea essite impossibile. Nos lauda le participation communitari in iste initiativa innovator, le qual resultava in le conditiones de uso redigite in le collaboration le plus extense de omne major sitos web.
Sin le labor dur e le expertise de nostre communitate, iste projecto haberea essite impossibile. Nos lauda le participation communitari in iste initiativa innovator, le qual resultava in le conditiones de uso redigite in le collaboration le plus extense de omne major sitos web.

{{autocategorize}}

Revision as of 17:58, 1 April 2013

In altere linguas English  · العربية · asturianu · български · Deutsch · English · español · فارسی · suomi · français · galego · עברית · interlingua · Bahasa Indonesia · italiano · 日本語 · 한국어 · македонски · Nederlands · polski · português · português do Brasil · русский · slovenščina · svenska · Tiếng Việt · 中文(简体) · 中文(繁體)


Post un processo historic de modification e commentario public, le Conditiones de Uso (CdU) de Wikimedia ha essite actualisate. Le nove version revisate entrara in vigor le 25 de maio 2012.

Le version actualisate del Conditiones de Uso es le resultato de un processo unic de collaboration que incorporava plus de 200 modificationes e 4500 lineas de discussion. Durante plus de 140 dies, le communitate de Wikimedia revideva, projectava e reprojectava le actualisationes proponite al Conditiones de Uso, resolvente plus de 120 problemas. Nunquam antea le Conditiones de Uso de un major sito web ha essite projectate per un effortio tanto interactive e collaborative.

Le processo de commentario e revision communitari pro le nove conditiones finiva le 31 de decembre 2011. Le Consilio de Administration formalmente approbava le schizzo final del nove conditiones le 6 de martio 2012. Inter altere cosas, iste conditiones concerne:

  • Melior comprensibilitate: Le nove contracto include un summario facile a leger pro adjutar a comprender le conditiones.
  • Fortification del securitate: Le nove conditiones prohibi plure actiones (como le installation de programmas malefic) que poterea compromitter le systemas de Wikimedia. Ben que iste restrictiones non representa un cambio de politica, illos clarifica le definition de comportamento inacceptabile.
  • Clarification del rolos: In responsa a requestas de orientation, le nove contracto clarifica le rolos e responsabilitates del communitate, includente redactores e contributores. Iste conditiones etiam cerca fornir directivas pro adjutar le usatores a evitar problemas.
  • Plus retroaction communitari: Le nove contracto assecura que le futur actualisationes del Conditiones de Uso essera accompaniate de un processo de discussion collaborative. Le actualisation da al usatores un periodo de commentario de al minus 30 dies ante que un major revision entra in vigor (con approbation del Consilio). Il ha un exception de 3 dies pro urgente cambios juridic e administrative.
  • Clarification de licentia libere: Secundo alcunos, le previe Conditiones de Uso esseva a vices confundente quanto al requisitos de licentia libere. Le nove contracto tenta explicar plus clarmente iste requisitos pro redactores e contributores (sin cambiar le practica existente).
  • Plus instrumentos contra intimidation, menacias, molestias, vandalismo e altere problemas de longe duration: Le conditiones clarifica que tal actos es prohibite. Pro le prime vice a Wikimedia, le nove contracto leva le possibilitate de un bannimento global pro violationes extreme trans wikis, un besonio que ha essite exprimite per plure membros del communitate. Ben que le bannimento global es autorisate per le conditiones de uso, illo essera implementate per le politica communitari.
  • Melior protection juridic: Le nove conditiones incorpora sectiones juridic que es communmente usate pro adjutar a salveguardar un sito como le nostre, como un explication de nostre stato qua hospite e repudiationes e limitationes de responsabilitate pro le Fundation.

Que il suffice dicer que nos es consistente con altere organisationes del mesme vision, le quales ha incorporate similar contractos, includente Internet Archive, Creative Commons, Mozilla Firefox, Open Source Initiative, Project Gutenberg, Linux Foundation, Stack Exchange, Wikispaces e WordPress.com.

Sin le labor dur e le expertise de nostre communitate, iste projecto haberea essite impossibile. Nos lauda le participation communitari in iste initiativa innovator, le qual resultava in le conditiones de uso redigite in le collaboration le plus extense de omne major sitos web.

Template:Autocategorize