Appeal/yue
From the Wikimedia Foundation
「諗吓一個世界，每個人都可以自由攞全人類所有知識嚟用。」
——維基百科創辦人占美威爾斯
維基百科創辦人占美威爾斯嘅呼籲
Update: As of December 31, 2009, we have reached our campaign goal of 7.5 million USD. Thank you to all who have donated! Your continued donations will support Wikimedia's long-term operations and growth, cover contingencies, and allow us to fund new projects and activities.
今日，我專誠請你哋捐錢去撐吓維基百科。
2001年我創辦咗維基百科，喺呢八年嚟，見到有成千上萬個義工加入咗我哋嘅團隊，一齊搞起呢個史上最大嘅百科全書，真係好開心。
維基百科唔係商業網站，佢係一個團隊創作，完全由好似你咁嘅網友去寫文同資助。每個月有超過三億四千萬個網民用緊維基百科，差唔多係全球網民嘅三分一。你就係我哋團隊嘅一部份。
我信我哋可以令維基百科變得越嚟越好。呢個係我哋嘅諗法：一個人寫啲嘢，另一個就改善一啲，咁就會變得越嚟越好。如果你今日已經覺得有用，咁可以諗吓到咗五年、十年甚至二十年後我哋有啲咩嘢成績。
維基百科展示出我哋普通人嘅力量點樣做到唔普通嘅嘢。我哋逐隻字去寫，又去捐錢資助。呢點證明我哋有潛力改變世界。
所以，我哋需要保護呢個做嘢嘅地方，亦即係要保護維基百科。我哋想佢繼續免費同埋冇廣告。我哋亦都想佢繼續開放－－你可以任用維基百科嘅資料。我哋更加想佢繼續增長－－將知識傳到每一個地方，同埋請每一個人嚟貢獻。
維基媒體基金會係一個喺2003年創辦嘅非牟利機構，用嚟營運、發展同保護維基百科。喺每年只係籌到一千萬美金捐款，同少過35個伙記嘅情況下，維基媒體基金會營運緊全世界第五個最多人睇嘅網站－－維基百科。我求你幫吓我哋，等我哋嘅工作可以一路搞落去。
「諗吓一個世界，每個人都可以自由攞全人類所有知識嚟用。」呢個係我哋嘅目標。有你撐住我哋，目標終有一日可以達到。
多謝你用維基百科。你都係我哋嘅一分子：希望你可以捐錢撐我哋。
維基百科 創辦人
占美威爾斯
