Donate/Letter/oc

From the Wikimedia Foundation
Jump to: navigation, search


Una crida de Jimmy Wales, lo fondator de Wikipèdia

Jimmy Wales

Cara lectritz, car lector,

Uèi, vos prepausi de sosténer Wikipèdia en fasent un don. Aquò vos pòt semblar inabitual : perqué un dels cinc sits web mai populars del mond demanda lo sosten de sos utilizaires ?

Wikipèdia fonciona diferentament de gaireben totes los autres sits mai visitats sus Internet. Nòstre personal es fòrt restrench : solament vint-e-tres emplegats ! Lo contengut de Wikipèdia es liure d'èsser utilizat per tot lo mone, per tot usatge. Nòstras depensas son de mens de sièis milions de dolars per an. Wikipèdia fonciona gràcia a Wikimedia Foundation, una organizacion de tòca pas lucrativa qu'ai fondada en 2003.

Al còr de Wikipèdia se tròba una comunautat internacionala de mai de 150,000 benevòls, totes motivats pel liure partiment de la coneissença. En gaireben uèch ans, aqueles benevòls an redigit mai d'11 milions d'articles dins 265 lengas. Mai de 275 milions de personas consultan nòstre sit web cada mes per accedir a aqueste contengut, provesit a gratís e sens publicitat.

Mas Wikipèdia es pas solament un sit web. Partejam totes una causa comuna : Imaginatz un mond dins lo qual cada persona a un accès liure a la soma de las coneissenças umanas. Es çò a qué aspiram.

Vòstre don nos ajuda de mai d'un biais. D'en primièr, nos ajudaretz a pagar los fraisses grandissents ligats al trafic mondial d'un dels sits web mai consultats sus Internet. Los fonses nos ajudan tanben a melhorar lo logicial que fa foncionar Wikipèdia, per facilitar la recèrca, la lectura e la redaccion sus Wikipèdia. Nos consacram tanben al sosten de la difusion liura de la coneissença dins lo mond, en recrutant de benevòls e en trabalhant de concèrt amb d'institucions culturalas e educativas.

Wikipèdia es diferenta. Es la màger enciclopèdia pas jamai escricha e es redigida per de benevòls. La publicitat a pas sa plaça dins un jardin public o dins una escòla ; pensam qu'a pas sa plaça tanpauc sus Wikipèdia. Volèm que Wikipèdia demòre liura, gratuita e fòrta ; mas per aquò avèm besonh del sosten de milierats de personas coma vos.

Vos convida a nos rejónher : vòstre don ajudarà lo mond entièr a conservar Wikipèdia, un ben comun, liure.

Mercés,

Jimmy Wales

FASÈTZ UN DON »

Ne saber mai