Ufrüef vum Wikipedia-Gründer Jimmy Wales
Ufrüef vum Wikipedia-Gründer Jimmy WalesWu ich vor zeh Johr andere Mänsche vu dr Wikipedia verzellt haa, hän si nume d Chepf gschittlet. Freiwilligi us dr ganze Wält sotte sich zämmedue un e umfangrychi Sammlig vum Wisse vu dr Mänschhait schaffe? Motiviert nume vum Gedanke vum Daile?
Kai Wärbig. Kai Profit. Kai Hintergedanke. Hite, ai Johrzeht speter, bruche 400 Millione Mänsche all Monet d Wikipedia un ihri Schweschterprojäkt – des isch fascht e Drittel vu allene Mänsche im Internet. D Wikipedia ghert zue dr fimf beliebteschte Websyte uf dr Wält. Di andere vier verschlinge Milliardesumme, si wäre bedribe vu Unternämme mit Döuserde vu Aagstellte un mit eme risige Wärbeufwand. Aber d Wikipedia isch nit wie ne kommerziälli Websyte. D Wikipedia wird dur d Gmainschaft gschaffe - gschribe un bflägt vun ere Vilzahl vu Freiwillige – Artikel fir Artikel, Satz fir Satz. Si läse dää Brief, Si nutze d Wikipedia. Dodermit sin Si au ne Dail vu däre Gmainschaft. Ich schryb Ihne hite mit dr Bitt, ass Si d Wikipedia unterstitze un erhalte. Gmainsam chenne mir d Wikipedia choschtelos un wärbefrei halte. Gmainsam chenne mir derfir sorge, ass d Wikipedia fir e jede frei zuegängli blybt – Si chenne alli Inhalt do ohni Yyschränkig nutze, wie Si wän. Mir chenne d Wikipedia wyter wachse loo, Wisse wältwyt verbraite un e jede, wu will, isch yyglade zum Mitmache. All Johr um di glych Zyt bitte mir Si un anderi Nutzer vu dr Gmainschaft um Unterstitzig bi unsere gmainsame Arbet. D Wikipedia wird dur chlaini Spände in Hechine 15, 25 oder 35 Euro oder Franke vu Hundertdöuserte Lyt wältwyt am Läbe ghalte. Wänn Ihne d Wikipedia as Quälle vu dr Information un au as Quälle vu dr Inspiration wichtig isch, derno hälfe Si uns jetz mit ere Spände! Dankschen vilmols.
Jimmy Wales Grinder vu dr Wikipedia
|
Jetz spände |
