Jimmy Thank You/als
E Dankschöön vum Wikipedia-Gründer Jimmy Wales
Ui! Was soll i sage? Dankschön.
Jetz isch unser bishäär erfolgriichste Spändeufrüef z Änd gange. 16 Millione Dollar hän sich in chuum acht Wuche aagsammelt.
Unglaublig. Abber es übberrascht mi nit.
2001 ha-n-i uf s Güeti in de Mänsche zellt. Ùn si hän mi nit im Stich gloo.
R hän di gröschti Sammlig vum Wüsse vu de Mänschheit ufbout, wuu's jee gee hät: 19 Millione Artikel in 270 Sprooche; es werre all meh, si verbessere sich vu Daag zu Daag. Ihr hän si understützt, finanziert un ufrächt erhalte.
Es isch nit d'Wärbig, wuu d'Wikipedia am Läbe erhaltet. Es sin ihr. D'Wikipedia isch d'Internetsitte mit de fümftgröschte Bsüecherzahl wältwitt – letschte Monet isch si vu 400 Millione Internetnutzer bsüecht worre – un d'Underhaltigschöste vu de Rächner un di wenige bezahlte Aagstellte werre numme vu eure Spände abdeckt.
Dank eure Spände cha d'Wikipedia gratis un wärbefräi blibe. Euri Spände mache's mööglig, dass mer übberall uf de Wält Züegang zu fräiem Wüsse hät.
I bedank mi für all die Understützig, wuu d'Ùfrächterhaltig vu de Wikipedia mööglig gmacht hät. Euri Spändekommentär hän mi inspiriert un es ehrt mi, euri Hiigaab an d'Wikipedia z erläbe.
E erstuunligi Gschicht. Nüt cha-n-ere gliichchuu.
Ùn wenn de d'Wikipedia bishäär no nit finanziäll understützt häsch, no isch es nit z spoot. De chasch all no zu de Verbreitig vum fräie Wüsse biidrage, de bruuchsch numme doo z klicke.
I bedank mi no moll bi euch.
Jimmy Wales
Wikipedia-Gründer
Wikipedia is a project of the Wikimedia Foundation. Questions or comments? Write to: donate
wikimedia.org
Learn more about local chapters and their projects
