Jimmy Thank You/yue
From the Wikimedia Foundation
維基百科創辦人占美威爾斯嘅多謝
嘩！講乜好呢？真係要多謝你哋！
我哋啱啱搞完咗個歷嚟最掂嘅籌錢活動，唔使8個禮拜就已經籌到750萬蚊美金。
好多人到估佢唔到，但我一啲都唔覺得出奇。
2001年嗰陣，我已經睇好你哋，你哋果然冇令我失望。
你哋搞咗個人類有史以嚟最大嘅知識庫：用270種話去寫1,400萬篇百科文，重越搞越好，因為你哋有去撐佢、資助佢同保護佢。
廣告不嬲都唔係維基百科嘅收入來源，你哋先至係。維基百科係全球第五大最多人睇嘅網站——上個月就已有3.4億人睇過。我哋純粹靠捐款嚟畀伺服器嘅使費同埋向班伙記出糧。
你哋嘅捐款令維基百科可以繼續免費去用，同埋唔會有廣告。你哋嘅捐款更可以繼續將自由同免費嘅知識傳到地球每個角落。
多謝你哋畀出嚟嘅所有嘢，令到維基百科夢想成真。睇到各位善長人翁嘅留言，我都有啲啟發，同埋覺得好榮幸可以睇到你哋對維基百科嘅熱誠。
呢個真係一個好正嘅故仔，亦都搵唔到有其他故仔可以更加正。
如果你重未捐錢畀維基百科，而家梗係唔算遲。你重可以送份心意畀維基百科，撐吓自由同開放的知識分享，㩒呢度就得。
再一次多謝晒！
祝 維基百科永存！
維基百科創辦人
占美威爾斯
Wikipedia is a project of the Wikimedia Foundation. Questions or comments? Write to: donate
wikimedia.org
Learn more about local chapters and their projects
