Wikimedia necesita'l to sofitu

From the Wikimedia Foundation
Jump to: navigation, search
La conocencia ye'l poder. Ayudamos a facer que seya llibre y de baldre


La wikimedia Foundation y les decenes de miles de voluntarios qu'ufren el so tiempu y les sos competencies tán convencíos que la conocencia ye'l poder y que tenía de ser, ye menester que seya, llibre.

El sofitu xenerosu de xente como tu permitió que wikipedia se convertiere na mayor enciclopedia del mundu. Va pocos años, wikipedia.org nun taba nin ente los 10 000 sitios más visitaos d'internet. Anguaño, el sitiu figura ente los 30 más visitaos del mundu, con más de 5 000 millones de páxines vistes nel mes de payares de 2005.

L'añu pasáu, menos de 0.05% de los usuarios diarios d'internet sirviéronse de wikipedia.org. Esta cifra anguaño multiplicóse por cuatro y esperamos un crecimientu asemeyáu pal añu que vien. Más de 3.2 millones d'usuarios diferentes conectáronse a wikipedia en setiembre del añu pasáu. Esti añu, la cifra subió a cerca de 13 millones. Gracies a la vuestra ayuda, decenes de millones de persones van usar wikipedia y los sos proyeutos asociaos l'añu que vien.

Pa permiti-y al nuestru llectoráu, que medra de manera esponencial, siguir teniendo accesu a los nuestros sitios, aumentamos el presupuestu, pasando de 15 000 dólares US (± 12 600 €) a más de 125 000 (105 000 €) en 2004 y más de 700 000 (± 592 000 €) esti añu. L'añu que vien, la Wikimedia Foundation tien previsto gastar millones pa facer frente al incrementu de les necesidaes y pa siguir avanzando col oxetivu d'esparder una conocencia llibre y de baldre a tol mundu. Pue paecer imposible, pero crear la mayor enciclopedia del mundu en menos de cinco años tamién lo paecía. Y vamos ser quien a facelo cola to ayuda.

Wikipedia y los sos proyeutos hermanos esisten solo per aciu de les contribuciones: les de los redactores qu'ufren tiempu y esfuerciu, y les de los donadores qu'aporten un sofitu económicu. De la mesma manera que los munchísimos retoques ayuden a ameyorar el conteníu, cada donativu ayuda a espardelu. El donativu mediu que recibimos ye de 20 dólares. Tolos donativos son importantes.

Nesta temporada de fiestes solicitamos la to ayuda pa llevar a cabu'l nuestru oxetivu. Son los vuestros donativos los que mos van permitir medrar y ameyorar. Los donativos a la Wikimedia Foundation puen facese na divisa que quieras, y son deductibles de los impuestos nos Estaos Uníos. En Francia y Alemaña, los donativos a les asociaciones locales (Wikimedia France, Wikimedia Deutschland) tamién son deductibles. Anque éstos últimos nun los use forzosamente la Wikimedia Foundation mesma, permítenmos siguir colos esfuercios y algamar los nuestros oxetivos.

Ye'l momentu d'echamos un gabitu pa dotar al mundu d'una conocencia llibre y de baldre.

Gracies pola vuestra xenerosidá

Jimmy Wales, Florence Devouard, Angela Beesley y el restu del equipu wikipedia.


Fai'l to donativu equí


Nota: Esta campaña de recoleición de fondos tendrá llugar ente'l vienres 16 d'avientu y el vienres 6 de xineru del 2006.