Dat heh es en Zosammefaßong vun der „Bedengonge för der Jebruch“ för der nomaale Minsch.
Opjepaß: Dat heh es keine Deil vun der Bedengonge för der Jebruch un is kei verbendlesch Dokemänt em Senn vum Avvekaate-Rääsch. Et sull doför deene, dä janze Keu ze verschtonn, dä mer schriive moß, weil me öm de Fommuleeronge för de Avvekaate nit werklej_eröm küt.
Mer trädde aan, öm:
Minsche op de jane Ääd aanzerääje un en Müjjeleschkei ze jävve, dat se Saache för vun ze liehre sammelle un unger ene freie Lizänz udder als Allmände unger et Volk ze bränge.
Dat ze verdeile. werreksam un övver de janze Wält, för ömesons.
Do has De Freiheit zom:
Lässe on Dröcke — vun de Atikelle on ander Meedije, der ohne jät doför bezahle ze möße.
Bruche on Wiggerjävve — vun de Atikelle on ander Meedije onger freije un offe Lizänze.
Ändere on Övverärbeide — vun ons divärse Sigge on Projäkte.
Onger dä Bedengonge:
Verantwoodong — Do övvernemmbs de Verantwoodong för Ding Änderonge. Mir zeije se nor en der Öffentleschkeit, han se ävver nit jemaat.
joode Ömjang — Do drähß bei zo enem aanjenehme Klima un jeiß fründlesch met de andere Metmaacher öm.
Treue zo de Jesäze — Do häls Desch aan et Urhävverrääsch un ander Jesäze.
Nix kapott maache — Do häls onser Täschnek entak.
Bedengonge för der Jebruch un Rääjelle enhallde — Do häls Desch aan de Bedengonge för der Jebruch, onge, un de Rääjelle vun der Jemeinschaf, wann De ons Sigge besöhks udder metmaachs.
Derbei moß De em Ouch behallde dat:
Do deijs Ding eije Beidrääsch onger en freie Lizänz schtälle — Do moß Ding Beidrääsch un Änderonge op un en ons Websigge onger en freie Lizänz schtälle. Ußer, wann se en der Allmände sin.
Kein fachlesche Roodschlääsch — dä Enhallt vun Atikelle un ander Projäkte es bloß för sesch ze enfomeere, un deiht keine fachkondijje Rood daaschtälle.
